潛水潛左幾個月,,
終於上水抖氣啦...
我番黎打Xanga...
搵人拍手鼓勵下我 la~
有時真係覺得做人好辛苦
日日都要算黎算去
你地唔煩我都煩啦
我都唔知話你地聰明定話你蠢好...
識我都有一段唔短ge時間架啦,
都仲做埋啲咁ge野...
真係服左你地
有時都幾無奈
都唔知咁樣係好定唔好
總係不經意睇到晒人講野時ge神態、動作
無論講真講假
我都一目了然
雖然咁都唔差
但好多我唔想知ge野
就通通知道晒
其實...有必要咁辛苦咩??
你又要不斷諗要點講
我又要扮咩都唔知
我情願你話唔知
都好過宜家咁
到宜家你地仲唔明咩
只要叫佢黎講一聲
無論我有幾咁失望
我都只會笑笑口扮冇野
唔通我會反枱同你地嘈?
對住其他人我都唔會啦
更何況係佢...
對你我係有少少失望,
其他人唔明白我、點對我
我都可以唔care
但你我做唔到
嗰晚我喊左...
我都唔記得有幾耐冇為咁ge事喊過
對上一次都好多年前啦
你已經唔係第一個咁樣
但我希望係最後一個啦
仲可唔可以好似以前咁?
好老實講
真係冇咩可能
係你選擇維護佢地ge同時
我都作出了選擇
係咪我藏得太深
冇比你地睇過我ge另一面
所以你地唔知我係一個愛恨分明ge人
我可以對人好好
但我亦可以好絕情
雖然暫時未有人逼到我反擊
但我可以做到點
我自己好清楚
當年ge佢未曾
我希望你都唔會
可能小時候的經歷
真係為我帶來好大ge影響
我唔需要愛情
但我好依賴朋友
我唔容易真心對一個人好
但如果我真係交個心出來
就會係一世
不過可能都係我太天真
呵呵...用天真形容自己好奇怪
我總係忘記我交心唔等於人地會交個心出黎
有個好了解我
比我更了解我自己ge人同我講過
佢話 ...
" 你真係好奸,好腹黑,絕對係由頭奸到落腳..."
我問 ...
" 有咁誇張咩?? "
佢話 ...
" 係呀,你真係奸得好徹底,但同時亦傻得好徹底..."
傻!?唔係掛...
邊會呀...我唔整死人都偷笑啦
佢ge回應係...
" 整死人?你點會唔得呀...但你太心軟啦...你狠唔落心去整人 "
當時我唔信...
第一次我都唔信...
但到第二次就唔到我唔信
P.S.唔該一切無謂人唔好問我係邊個,亦唔好自行對號入座,以免為我帶來不必要ge困擾
最後就有首歌想比大家睇下
笑紅塵 - 陳淑樺
紅塵多可笑 癡情最無聊
目空一切也好
此生未了 心卻已無所擾
只想換得半世逍遙
醒時對人笑 夢中全忘掉
嘆天黑得太早
來生難料 愛恨一筆勾消
對酒當歌我只願開心到老
風再冷不想逃
花再美也不想要 任我逍遙
天越高心越小
不問因果有多少 獨自醉倒
今天哭明天笑
不求有人能明瞭 一身驕傲
歌在唱舞在跳
長夜慢慢不覺曉 將快樂尋找
Chatboard (0)